سوق مراحوش معنى السوم؟
السوم هو المبلغ اللي يعرضه المشتري على الحلال، وغالباً يكون للرأس الواحد. في القروبات يكتب البائع «السوم 1400» يقصد آخر مبلغ وصله، ويكتب المشترون سومهم بين الرسائل. في سوق مراح السوم مكانه تحت الإعلان، والكل يشوفه.
سوم الرأس وسوم الفحل
- سوم الأمهات (للرأس): للرأس الواحد من الأمهات فقط، بدون الفحل والمواليد.
- سوم الفحل: الفحل له سوم مستقل، لأن قيمته تختلف عن الأمهات.
تحت الإعلان يظهر أعلى سوم للرأس وسوم الفحل بالريال، وتحتهما قائمة السوم: كل سوم باسم صاحبه، وللرأس أو للفحل، ومتى كان.
كيف تسوم في سوق مراح؟
- افتح الإعلان واضغط «سوم».
- اختر الأمهات، أو الفحل إذا الإعلان فيه فحل، أو الاثنين.
- زِد على أعلى سوم بزرّي +10 و−10، أو اكتب المبلغ بزيادة عشرات فوق أعلى سوم.
- شوف فرق سومك عن السوم الحالي، ثم اضغط «تأكيد السوم».
سمت بالغلط؟ تقدر تحذف سومك خلال دقيقة من تأكيده.
نصائح للسوم
- اقرأ الملخص والنص قبل ما تسوم: هل العدد يشمل المواليد؟ وكم الأسنان؟
- شوف الفيديو كامل، واسأل البائع برسالة إذا عندك سؤال.
- السوم عرض، والبيع النهائي اتفاق بينك وبين البائع بعد المعاينة.
للبائع: ليش السوم العلني أفضل لك؟
كل سوم يظهر للمشترين الثانيين، فيعرفون وين وصل حلالك، والسوم ما يضيع بين رسائل القروب. وتعرف أعلى سوم من أول نظرة.
أسئلة شائعة
وش معنى «السوم للرأس»؟
المبلغ اللي يعرضه المشتري على الرأس الواحد من الأمهات، بدون الفحل والمواليد.
هل أقدر أحذف سومي في سوق مراح؟
نعم، خلال دقيقة من تأكيده.
هل البائع ملزم يبيع بأعلى سوم؟
لا. السوم عرض من المشتري، والبيع يتم باتفاق البائع والمشتري.
هل أحتاج حساب عشان أسوم؟
نعم، السوم يحتاج تسجيلاً برقم الجوال ورمز تحقق، عشان يظهر كل سوم باسم صاحبه. أما التصفح ومشاهدة السوم فبدون حساب.