سوق مراحوش تلقى في إعلان الغنم؟
إعلان الغنم يبدأ بالفيديو والصور، ثم نص البائع كما كتبه، ثم «ملخص الإعلان» اللي يكتبه التطبيق تلقائياً مما يقرأ في النص:
- النوع والسلالة: مثل غنم نجدي أو حري أو نعيمي.
- العدد: الأمهات والفحل والمواليد، مثل «19 أم + فحل = 20 رأس».
- الأسنان: جذع، ثني، رباع، سدس، تام.
- الحمل: حوامل، قريبة ولادة، فحص سونار.
- الصحة والسوم: مثل «الضروع سليمة» و«1250 للرأس».
وتحت الملخص يظهر أعلى سوم للرأس وسوم الفحل من المشترين في التطبيق، مع مدينة الإعلان وكم يبعد عنك بالكيلو.
الملخص تلقائي وللمساعدة فقط. النص اللي كتبه البائع والفيديو هما الأصل، فاقرأهما قبل ما تسوم.
كيف تلقى الغنم اللي تبيه؟
اختر «غنم» من أعلى السوق، ثم افتح «تصفية» واختر اللي يناسبك:
- السلالة: نعيمي، نجدي، حري، سواكني، رفيدي، عساف، عواسي، بربري، حبشي، دروبر، عرادي، ميرينو.
- عدد الرؤوس: من رأس واحد إلى «200 فأكثر»، للأمهات فقط أو مع المواليد.
- الحمل والفحل.
- المسافة من مدينتك أو من مدينة تختارها، وتاريخ النشر.
- المتاح فقط عشان تخفي الإعلانات المباعة.
وترتب الإعلانات بالأحدث أو بالأقرب لك، أو بالعمر (الأسنان)، أو بعدد الأمهات. الإعلان اللي فيه غنم وماعز مع بعض يظهر في قسم الغنم وقسم الماعز.
كيف تسوم على الغنم؟
السوم في سوق مراح علني. تسوم على الرأس الواحد من الأمهات (بدون الفحل والمواليد)، وعلى الفحل بسوم مستقل. وتزيد على أعلى سوم بخطوات العشرة ريالات، وإذا سمت بالغلط تحذف سومك خلال دقيقة. التفاصيل في دليل السوم على الغنم.
قبل ما تشتري: أشياء تتأكد منها
- العمر: اسأل عن الأسنان، وتأكد منها وقت المعاينة. شوف أعمار الغنم بالأسنان.
- الحمل: إذا الإعلان يقول حوامل، اسأل هل فيه فحص سونار ومتى.
- العدد: تأكد هل العدد يشمل الفحل والمواليد أو الأمهات فقط.
- السعر: هل السوم للرأس أو للكل؟ وهل الفحل داخل فيه؟
- الصحة: اطلب فيديو قريب للضروع والأرجل والعيون، وعاين قبل الدفع.
- التوصيل: اسأل هل فيه توصيل، ومن يتحمل كلفته.
تبي تبيع غنمك؟
انشر إعلانك في دقيقة: فيديو وصور ونص مثل اللي ترسله في القروب. شوف طريقة كتابة إعلان بيع غنم يجيب سوم.
أسئلة شائعة
هل تصفّح إعلانات الغنم في سوق مراح مجاني؟
نعم. تتصفح الإعلانات وتشوف السوم بدون حساب ومجاناً. السوم والمراسلة والاتصال تحتاج تسجيلاً برقم الجوال.
وش الفرق بين «أعلى سوم للرأس» و«سوم الفحل»؟
أعلى سوم للرأس هو أعلى مبلغ عرضه مشترٍ على الرأس الواحد من الأمهات، بدون الفحل والمواليد. وسوم الفحل مبلغ مستقل على الفحل نفسه.
هل السوم المكتوب في نص الإعلان هو السعر النهائي؟
لا. السوم في نص الإعلان هو ما كتبه البائع، والسوم العلني تحت الإعلان من المشترين في التطبيق. البيع النهائي اتفاق بينك وبين البائع.
كيف أعرف مكان الغنم؟
كل إعلان عليه مدينته، وإذا سمحت بالموقع يظهر كم يبعد عنك بالكيلو.